您当前的位置:首页资讯婚庆正文
免费电子请柬

粤语新闻•老广话事:香港婚礼好唔同

放大字体  缩小字体 发布日期:2015-04-23 来源:网络 作者:网友 浏览次数:18
欢庆婚讯:  

●接新娘唔使撞门只需剪红线

婚宴九点十点先开席食到半夜

新快报讯 (记者 任磊斌)“五一”前两日,记者去香港饮老表结婚嗰餐(婚宴),盛情难却仲做埋兄弟添。一路搞落来,发现大家虽然都系广府人,结婚习俗大同小异,但因为生活习惯始终有啲差距,所以唔少仪式同埋程序都有几大出入。比如话接新娘,拉条红线就可以收开门利是;夜晚嗰餐仲夸张,普遍都九点几先开席上菜,食完都成半夜十一二点喇。

话晒都做兄弟,所以记者一身衬衫西裤,而几个香港本地兄弟促老西领呔(西装鞋履)全套上阵。因为老表住元朗,新娘俾安排喺附近天水围间酒店住。来到酒店,上到26楼新娘间房,居然见到大门洞开。行近啲睇下,原来门后边拉咗条红丝带拦住。跟住,兄弟同姊妹就企喺(站在)丝带两边讨价还价,各兄弟食完啲姊妹炮制嘅“哗沙吡豉油浸油炸鬼”(芥末酱油泡油条),唱完新郎现场填词嘅《爱的宣言》后,卒知以1999蚊嘅开门利是成交。

成个过程,啲香港人玩得好斯文,绝无我地广州呢边又话拆门又话爬窗玩得咁癫。收咗利事,伴娘就拎把铰剪出嚟,新郎就一边欢呼一边“剪彩进门”。一个已经做过几次姊妹的女仔话俾记者听:“香港一般(居住)地方细,为咗唔滋扰到人地(别人),拉条红线斯文啲玩吓就好喇。”(接完新娘之后点?且听明日分解)

关键词: 军乐锣鼓
  • “如果发现本网站发布的资讯影响到您的版权,可以联系本站!同时欢迎来本站投稿!

    0相关评论